unuudur

Za za tegehleer onoodroos ehleed neg muu blog neehgej uzeed hugiin um bolj bolj neg muu neeleedee hehe za tegd blogdoo goyo goyo surgamjit oguulleguud oruulah sanaatai bga bolohoor uguullege unshsan humuus ni setgegdlee uldeegeed bgaarai...

Hehe anhnii hairiin tuhai huurhun shuleg shuu

Анхны хайð

Оюутан нас ч дурлахад хамгийн гоё нас шүү. Оюутан насны хайрын талаар нэгэн шүлгийг хүргэж байна.
**********

Тийм ээ чи миний таньдаг хүн
Тэгэхдээ сайн таньдаг хүн
Тэгэвч чи надтай мэндэлдэггүй
Тийм дээ, танихгүй юм чинь арга байж уу

Дөрвөн жил их сургуулийн замд
Тохиролцсон юм шиг урд хойноо сүлжилдсэн
Дөлгөөн харцандаа бодол хөвөрдсөн үеийн залуу чамтай
Дотно танилцаж үерхэхийг удтал би хүлээсэн
Нуугаад яахав чи надад таалагддаг байсан
Нэрийг чинь харин бусдаас сураглаж яваагүй
Ирэх замыг чинь тосон нууцхан харуулддаг байсан
Орох хичээлийн чинь хуваарийг зөнгөөрөө мэддэг байсан
Эхний голдуу хичээлийг хааяа тасалдаг ч
Эргэцүүлж миний бодоход чи сайн оюутан
Дараа нь чи хичээлээ нөхөхдөө л ядардаг л биз
Дасал болсон дүрийг чинь харахгүй байх надад түүнээс хэцүү
Дандаа сугавчилдаг нимгэн бор хавтас
Даарах хүйтэнгүүд ч яарч явдаг түргэн алхаа
Зөрөн өнгөрөх охидыг ажигладаггүй хатуухан төрх
Зүүд эзэгнэн нойргүй хонуулсан миний анхны хайр
Сэлүүхэн орой хүргүүлэх хүнгүй ганцаарддаг байсан ч
Сэтгэлдээ чамайг дурсаж ханьтай явсан
Сүүлчийн хонх оюутны самбарт жингэнэхэд
Сүүлийн удаа би чиний өмнүүр өнгөрсөн
Тийм ээ, чи миний таньдаг хүн
Тэгэхдээ сайн таньдаг хүн
Тэгэвч чи надтай мэндэлдэггүй
Тийм дээ танихгүй юм чинь арга байж уу.

Баялаг, Амжилт, Хайрын тухай үлгэр

Баялаг, Амжилт, Хайрын тухай үлгэр
Нэгэн бүсгүй гэрээсээ гартал урт цагаан сахалтай гурван өвгөн байшингийнх нь өмнө сууж байна гэнэ. Бүсгүй тэднийг хараад таниагүй боловч нутгийн сайхан заншлын дагуу “Би та нарыг огт танихгүй юм байна. Гэхдээ та нар өлсөж ядраа байлгүй дээ. Манайд ороод идээ, ундаа зооглоно уу?” хэмээн урьжээ. Тэгтэл өвгөд “Танай гэрийн эзэн чинь гэртээ байгаа юу?” гэж сайхан зантай эмэгтэйгээс лавлав.

“Үгүй ээ, нөхөр маань ирээгүй байна” гэж бүсгүй хэлэхэд
“За тэгвэл танайд орж чадахгүй юм байна” хэмээн өвгөд хариулжээ. Орой болж нөхөр гэртээ ирэхэд эхнэр өнөөдрийн болсон явдлынхаа тухай ярьж хэлж гэнэ. Нөхөр “Алив, эхнэр минь яваад азай буурлуудыг уриад ир!” гэж хэлжээ. Бүсгүй гэрээсээ гарч, өвгөдийг орон гэртээ айлчлахыг дахин гуйлаа. Харин урт цагаан сахалт өвгөд: “Бид бүгдээрээ нэг айлд зэрэг орж чаддаггүй юм” хэмээн хариулжээ. Эхнэр ямар учиртай болохыг гайхан лавлаж гэнэ. Харин нэг өвгөн нөгөө рүүгээ зааснаа “Түүний нэрийг Эд баялаг гэдэг. Дараагийнх нь Амжилт. Харин намайг бол Хайр гэдэг юм. Та одоо гэртээ ороод бид гурвын хэнийг нь сонгож уримаар байна гэдгээ нөхөртэйгөө ярилцаад ир!” гэж хэлэв. Ингээд эхнэр гэртээ орж нөхөртөө энэ тухай хэлэхэд гэрийн эзэн: “Ямар сайн юм бэ? Нэгэнт энэ бүхэн үнэн юм бол гэртээ Эд баялагийг урья! Түүнийг гэртээ оруулж орон гэрээ эд баялагаар дүүргэе!” гэлээ.
Гэтэл эхнэр зөвшөөрсөнгүй. ”Хонгор минь! Бид яагаад Амжилтыг гэртээ урьж болдоггүй юм бэ? ” гэхэд охин үүнийг сонсоод “Хайрыг уривал яасан юм бэ? Гэр орон минь хайраар дүүрнэ шүү дээ” гэлээ.
Нөхөр эхнэртээ, “Бэр охиныхоо зөвлөгөөг дагацгаая! Явж очоод Хайрыг гэртээ урь!” гэлээ. Эхнэр гэрээс гарч, гурван хөгшнөөс “Та нарын хэн нь Хайр билээ? Манайд зочлоорой!” гэжээ.
Хайр босоод байшин руу алхав. Харин нөгөө хоёр нь ч гэсэн түүнийг даган алхаж гэнэ. Гайхсан хатагтай Баялаг, Амжилт хоёроос, “Би зөвхөн Хайрыг урьсан шүү дээ. Яагаад та хоёр түүнийг дагаж байна вэ?” гэж асуулаа.
Харин өвгөд ”Хэрэв та нар Баялаг юм уу Амжилтын аль нэгийг урьсан бол бусад нь гадаа байх байсан юм. Нэгэнт Хайрыг урьсан тул түүнийг дагаж бид байнга явдаг юм. Хайр хаана байна тэнд баялаг, амжилт байдаг юм” гэж хариулжээ.